"أسف يا ريس": "مرسى خلانا نتهان من اللى يسوي واللى ميسواش"

قالت صفحة أسف يا ريس ، أن صحفى قطرى قال للمصريين: ماذا صنعتم غير أقراص الطعمية ، قائلة: إحنا مش هناخد الموضوع بسخرية أي نعم قطر كلها على بعضها مجرد كشك على الخليج لكن ردنا على كلام الصفحي ده مش هيكون مجرد نكت وألشات .

وأضافت اسف يا ريس ، عبر صفحتها على موقع التواصل الاجتماعى فيس بوك ، أن الحقيقة المرة اللى لازم نعترف بيها إن قطر وبالتحديد قناة الجزيرة كانت العامل الرئيسي فى إندلاع ثورات الخراب العربي ، قائلة أن قطر قدرت بالآلة الإعلامية اللى بتمتلكها إنها تنشر الفتنة وتأجج الشعوب على حكمها لتنفيذ مخطط الشرق الآوسط فى المنطقة العربية وللآسف الشعوب إنجرت ورا قناة الجزيرة .

وتابعت الصفحة قائلة أن مصر حضارة الـ 7000 سنة رمز العروبة اللى خرجت للوطن العربي كله مهندسين وعلماء ومدرسين ودكاتره بتتهان النهارده من أنصاف الرجال .. العيب مش بس على الصحفي القطري العيب على رئيس خلانا نتهان من اللى يسوي واللى ميسواش ، مشيرة بالقول: مكنش فيه شخص يجرؤ يقول الكلام ده أبداً فى زمن الزعماء عبد الناصر والسادات ومبارك ولكن فى زمن الإخوان ربنا يديمها علينا نعمة ونلاقى الطعمية أصلا ً .