"أمهات مصر": سعادة التلاميذ في المدارس لن تتحقق إلا بسعادة المدرس
أثار مقترح الإعلامية جيهان منصور الخاص بحصة للسعادة في المدارس المصرية، جدلا واسعا وسط أولياء الأمور بين مؤيد ومعارض، وأجرت عبير أحمد مؤسس اتحاد أمهات مصر للنهوض بالتعليم، استطلاع رأي بين أولياء الأمور علي صفحة الاتحاد الرسمية في "فيس بوك"؛ لمعرفة آرائهم في المقترح، حيث لقي معارضة عدد كبير منهم بينما رحب آخرين.
وتفاعل أولياء الأمور الرافضين علي الاستطلاع، وقالت ولي أمر: "لو خففوا المناهج وضبطوا العلاقة بين المعلم والطالب واهتموا بالأنشطة، كل ذلك أفيد من حصة سعادة"، وأضاف آخر: "فاقد الشيء لا يعطيه، الحصة دي يستوردوا لها مدرس من خارج مصر".
وأضافت أخري: "المدرسين أصلا عندهم اكتئاب، وعايزين حصة للرحمة علشان نتعلم ازاي نرحم بعض"، وتابعت أخري: "أنا من رأيي أنهم يعملوا امتحان كل شهر ويوم النتيجة يكرموا الأولاد ويشجعوهم على النشاط المدرسي، بيتهيقلى دى هتكون أكتر سعادة، إنما اللى هيا بتقول عليه حصة للسعادة دا كلام فارغ وتضييع وقت"، واستكملت أخري: "بس المدرسين يبطلوا يقرفوا العيال وهما يبقوا سعداء"، وأخري: "محتاجين حصة للضمير والنظافة والمرور، عايزين نطلع جيل محترم علشان يحقق لنفسه السعادة"، وأضافت أخري: "المدرس لو سعيد ونفسيته كويسة هيأثر علي الأولاد ويسعدهم.
بينما رحب عدد آخر من أولياء الأمور بالمقترح، منها: "ياريت، اهو يبقي العيال ليهم نفسية قوية يواجهوا بيها الحياة"، وتابعت أخري: "والله فكرة حلوة جدا، زمان كانوا بيعملولنا يوم رياضي واحنا صغيرين، وكان يوم بنحلف بيه وبنتبسط أوي".
