بالفيديو..أحد العمال المؤقتين يبكى لمرسى:"بناكل من التراب والزبالة..أنا بشحت هدوم علشان ألبسها"
اشتكى أحد العمال المؤقتين بجامعة عين شمس سوء أحواله ومعيشته وأعاقته فى رجيله دون مساعدة الدولة له رغم حاجة قدميه لعمليه أخرى، باكياً على ظروف عائلته السيئة، قائلا: أنا مصاب فى رجلى من 7 سنين فى الجامعة ، ومحدش سأل عنى لا الجامعة ولا المدينة الجامعية وأدونى تعويض مادى سرفته كله على الدواء ولسة فاضل ليا كمان عملية ومحدش بيساعدنى، بطالب بتثبيتى فى الجامعة .
وأضاف بدعى على الظلم والكدب اللى أحنا فيه ذى ما هو ، محدش صرف على رجلى غير دكتور عملى العملية لا المدينة الجامعية اعترفت بيا ، عملت فض منازعات الجامعة مش عاوزة تثبتنى ، ومفيش تثبيت، هتثبت امتى بعد ما نموت ، وعيالنا يشحتوا زينا، أنا عايز حق عيالى حسبى الله ونعم الوكيل فى الظالم والمفترى.
وتابع: لو عايزين يكرمونى يثبتونى ، بنأكل من التراب والزبالة يا مرسى فاض بينا الكيل، عشان أنا معاق أستغنوا عنى بوظوا ليا رجلى ومحتاج أعمل عملية ولا المدينة ولا الجامعة عايزة تعالجنى ، أصرف على عيالى ولا رجلى منين ، أجيب حقى منين دلوقتى حق العامل الغلبان دا اجيبه منين بشحت هدومى عشان ألبسها.