مغري موت

مساء الخير أستاذة نيفين عارفة إن كلامي مش هيعجبك ولا هيعجب حد لكن انا معذورة والله , بصي يا ستي .. لية واحد جاري في الدور اللي فوقي زي القمر ووسيم جدا جدا و stylish موت موووووت حاولت كتير أتكلم معاه وإحنا طالعين الأسانسير مع بعض لكن رده عادة محدود لكن نظراته خبيثة ومغرية وفيها كلام كتير بيقول نفسه فية لكن هوة متجوز , المهم .. انا هفطس وأكلمه حاولت بكل الطرق وفشلت ملقتش غير إني أتابع مواعيد نزوله من البيت ومواعيد رجوعه وراقبت إمتى مراته بتخرج واللي لاحظته إن مراته بتبات برة هية والاولاد في أيام معينة في الأسبوع من الواضح إنها بتروح لأهلها .. مش دة المهم ….. المهم إني قررت أعمله فخ , عارفة إن الفخ غلط لكن أنا مش قادرة مصرة على إني أعرفه , في يوم بعد ما عرفت مواعيده وهوة نفس اليوم اللي مراته بايتة برة إستنيته وهوة راجع .. لبست الروب وأول ما شفته طالع العمارة سحبت الأسانسير ونزلت الأرضي بيفتح الباب لقاني في وشه بصراحة ومن غير كدب شديته من إيده ودوست ستوب على الأسانسير بين الدورين وبوسته من غير مقدمات وفي ثانية دوست على الدور بتاعه لكن من رعبه والمفاجأة إتلهى من اللي حصل وكل اللي طلع عليه إنتي طلعتيلي منين إنتي عايزة إيه فرديت عليه : إدخل بسرهة إدخل بسرعة وشديته على شقته , هوة حاول بالحيلة إنه ما يعملش حاجة معايا لكن بصراحة ما قاومش كتير وحصل اللي حصل ومن ساعتها الموضوع ده إتكرر لكن هوة قال لي الكلام ده مش هينفع نكمل فيه عشان مراتي إحنا ساكنين في عمارة واحدة ماينفعش وإبتدا يتهرب مني كتير , انا عرضت عليه الجواز لكنه رفض بحكم ظروفه ومن ساعتها لدلوقتي هوة مختفي مش عارفة راح فين يمكن سافر لكن مسيرة يرجع وانا هموت عليه بجد ياريت لو تشوفيلي حل وشكرا