رسالة عاجلة لـ "السيسي" من زوجين أقزام.. هل يقابلهم الرئيس؟(فيديو)

زوجين أقزام، أغلقت جميع الأبواب في وجههم، لم يطلبوا شيء صعب، بل يريدان الحصول على أبسط الحقوق وهى العمل من أجل الرزق.

ولم يجد الزوجين الأقزام سوى توجيه رسالة عاجلة عبر فيديو على موقع التواصل الاجتماعي "فيس بوك" إلى الرئيس عبد الفتاح السيسي لكى يحصلوا على عمل.

وكتبت الزوجة على الفيديو المنشور: "نداء للرئيس عبد الفتاح السيسي أنا حابه أوصل صوتي يمكن تسمعني أنا عارفة حضرتك بتحب الغلابة واحنا ابسط خلق الله.. انا احلامي بسيطة اوي ياريس".

في بداية الفيديو قالت ولاء قاسم، الزوجة القزمة: "ياريس احنا عاوزين نشتغل.. احنا بنروح أى مكان بيرموا وراقنا.. وبيقولوا لنا انتوا ملكوش شغل انتوا أقزام".

وأضافت: "أنا بنام مش عارفة هناكل ايه بكرة، بيقوللنا انتوا ملكوش لازمه في الحياة".

وتابعت: "أنا بقالى خمس سنين عاملة عملية مسامير في رجلي ومش قادرة اتحرك بس عاوزة اشتغل ويبقى لينا دخل نصرف بيه أنا وجوزي".

ومن جانبه قال سمير زغلول، الزوج القزم، موجهاً حديثه للرئيس عبد الفتاح السيسي: "لو شفتنا هنصعب عليك قوي.. أنا رجلي مكسورة ومراتي رجلها مكسورة".

وأضاف: "احنا بيستقلوا بينا.. مع اننا لينا 5% في التعيين.. وروحت اشتغل قالولى ايدك صغيرة ومش هينفع تشتغل".

وتابع: "ياريت تشوفنا ياريس وتشوف حالنا.. واللى انت شايفه هتعملهونا".