محمد إبراهيم يكتب : الجو كئيب

الجو كئيب ..

والقهوه بتبرد فـ الفنجان

والليل سرحان ..

والبرد إتعود يبقاله جوايا مكان

والوقت الضايع فـ الساعه

وموبايلى الخايف مترنيش

والقلق الساكن فـ ملامحى

وكرامتى تخاف لأرن عليكى

فمترديش ..

أو حتى تردى تقولى كلام

يوجعنى أكتر ..

مش قادر غير فيكى أفكر

والصوت المحبوس جوايا

والوش اللى بيضحك للناس

بيبان زعلان جوا المرايات

ولا غيرك شوفتنى فـ مرايه

ياحبيبه ودايما بيعانى ..

انا قلبى فـ بعدك بيعانى

وإكمنى بحبك بزياده ..

قاعد بكتبلك أغنيه ..

وانا قلبى الطيب كالعاده

متعلق بحجات مش ليا

ولا عارف اموت فيكى زياده

ولا عارف حتى فـ بعدك أعيش ..

وإن قولت انا عايش فـ بعادك

أبقى انا كداب ..

وإن صادفت حتى وعشت

بعيش دايما زعلان ..

والجو كئيب ..

والقهوه بتبرد فـ الفنجان

والليل سرحان ..

والبرد إتعود يبقاله جوايا مكان