عصام سلطان يتقدم ببلاغ للنائب العام ضد إبراهيم عيسى يتهمه فيه بالسب

تقدم المحامى عصام سلطان، نائب رئيس حزب الوسط، ببلاغ إلى النائب العام، ضد الإعلامى إبراهيم عيسى، يتهمه فيه بالسب والقذف والتشهير.

حمل البلاغ رقم 4626 بلاغات النائب العام، وتضمن فى حيثياته، قيام الإعلامى إبراهيم عيسى، بسب المشكو فى حقه عصام سلطان، أثناء تقديم برنامجه هنا القاهرة والذى يذاع على قناة القاهرة والناس.

حيث تضمن العبارات الآتية :

ولنا فى نموذج الوسط الأسوة الحسنة, ارجعوا يا قيادات الاخوان لو سمحتم لبريد الاخوان خلال الخمس سنين اللى قبل ما مبارك يمشى, واسمعوا كدة كان إيه رأى الاخـوان فى الاستاذ عصـام سلطان ..., أنا باتكلم على القيادة اللى مصدراه النهاردة .., حاجة من الاتنين, المشهد ده بيدينى انطباع أنه حاجة من الاتنين, يا إما الجماعة قعدت تضحك علينا كأعضاء بإنه دول مجرمين وخوارج وكدابين وعملاء وبيشتغلوا مع أمن الدولة, وبيشتغلوا مع المخابرات, وإما الحكاية كلها كانت تمثيلية ... .

يا سيدى الفاضل ده الدكتور مرسى عارف الكلام ده, إنه احنا خدنا قرار فى اللجنة الإعلامية بحضوره إنه ماحدش يطلع من الاخوان قدام عصام سلطان فى أى برنامج يرد عليه أيام مبارك, لأن عصام سلطان راجل مشوه وعميل وبيردد كلام أمن الدولة .. ده توصية الدكتور محمد مرسى نفسه, مش توصيتى, النهاردة انت ارتضيت حاجة من الاتنين, يا ارتضيت انك بنفعية وانتهازية شديدة تحط إيدك فى إيد من كنت تراه عميلاً, يا إما إنت كنت بتمثل علينا .

وطالب عصام سلطان، اتخاذ اللازم قانوناً نحو التحقيق مع المشكو فى حقه وإحالته للمحاكمة الجنائية وفقاً للمواد 302, 306, 307 عقوبات.