السيسي: "فيه ناس لها توجهات موجودة في المؤسسات مش كويس لبلدنا ولا شعبنا"
قال الرئيس عبد الفتاح السيسي، إن ولاء القوات المسلحة والشرطة لمصر، وليس هناك بالقوات المسلحة ولاء مذهبي أو طائفي أو سياسي ولا حتى ولاء لرئيس، الولاء لمصر وشعبها فقط.
وأضاف الرئيس - خلال كلمته في الندوة التثقيفية للقوات المسلحة على مسرح الجلاء، الخميس، بحضور رئيس مجلس النواب الدكتور علي عبد العال - "بفكر الجيش والشرطة من 4 سنوات ونصف، طُلب منا السماح بدخول فئات معينة واطلب مني الطلب ده قولتلهم مش هينفع يدخل حد الجيش غير المصري اللي ملوش توجهات دينية، وملوش توجهات دينية مُعينة، قالوا إزاي قولتلهم هو كده المصري فقط، وطول ما أنا موجود مفيش حد هيدخل كده".
وأضاف: "ببساطة لو ناس لها توجه كده ولا كده هيقف مع توجهه ضد الجيش والشرطة، واللي له توجه يخليه بعيد عن الجيش والشرطة أو الدولة، لو فيه توجه بيبقى غصب عنه يميل لتوجهه ومش بيشوف مصلحته الوطنية مصلحة بلده، وده أخطر حاجة".
وتابع الرئيس: "خلوا بالكم كنت حريص أني مستدعيش مواجهة مع حد عشان أحافظ على ثبات مصر، فيه ناس لها توجهات موجودة في المؤسسات مش كويس لبلدنا ولا شعبنا، إما يكون مع بلده بس يا إما بلاش، جوه الجيش لا يمكن هنسمح يكون حد جواه كده واللي هيبان عليه هنمشيه، ده أمر معمول من 30 سنة، وده السبب اللي مخلي الجيش بالشكل ده، جيش مصر مش جيش حد، بندافع عن حد.
