ننشر اعترافات المتهم بقتل شاب ''كافيه مصر الجديدة'' بعد مباراة مصر والكاميرون
قررت نيابة مصر الجديدة، برئاسة المستشار أحمد يوسف، حبس "عمر. م"، 4 أيام على ذمة التحقيقات، لاتهامه بقتل الشاب محمود بيومي داخل كافيه شهير بمنطقة القاهرة الجديدة.
وأمام ضباط المباحث، أدلى المتهم باعترافات تفصيلية بجريمته، قائلًا: "ذهبت للشغل عادي وكان فيه ماتش مصر ومش فاكر مين، وكنت شغال في الدور الأول، وبلغوني أن فيه مشكلة في الدور الثاني في الكافية فطلعت علشان أشوف المشكلة لقيت زباين بيتخانقوا علشان الحساب".
وأضاف المتهم: "الخناقة اتطورت بين الزباين وعمال الكافيه ونزلوا الدور الأرضي وحاولت أحجز بين الطرفين، وأخدت واحد من الشباب وأخدته بره الكافية راح ضربني بالبونية علشان أفتكرني بتخانق معاه، فراح اتنين من اصحابه مسكوا فيا شديت الحزام وبدأت اضرب فيهم".
وتابع: "واحد ضربني بالشنطة في وشي، والتاني ضربني بالقدم في بطني، فأنا كان معايا الفتاحة دي طلعتها وضربت واحد بيها، ودخلت على المطعم جوه تاني".
وسأله المحقق: "مشيت إزاي؟"، فرد المتهم: "مشيت عادي من المطعم"، وسأله المحقق مرة أخرى: "اتقبض عيك ازاي"، فرد: "كنت رحت بيتنا امبارح والنهاردة أخدت أمي طلعت عند أخويا في السلام والشرطة قبضت عليا من البيت".
