حرمان عاطفي
أنا وجوزي مكتئبين من ساعة ما شفنا منظر احداث الاتحادية خصوصا القتلى
مش مصدقين نفسنا ... إحنا زوجين جداد وانا عن نفسي قلت لازم ناخد هدنة مع نفسنا يعني براحة شوية على نفسنا عشان العيشة ما تقلبش سواد في كله وابتديت أعيش يومي بشكل طبيعي يعني ما بفتحش الاخبار خالص طول ما جوزي برة البيت لكن طبعا بتفرج عليها إجباري لما بيرجع بحكم انه متابع جيد لدرجة انه نسيني خالص ونسي اني عروسة جديدة والموضوع شكله هيطول معاه وانا بصراحة انسانة ليها احتياجات خاصة حاسة بحرمان عاطفي شنيع .. وجوزي بقى عايش وغرقان في الاحداث
هتقولوا علية مجنونة او معنديش إحساس بالناس هقول لكم اكيد لا عشان أنا بحب بلدي وأكيد محروقة على كل اللي ماتوا لكن الحياة مش لازم تقف ولو هنزعل بذمة يبقى بلاش ناكل بالمرة
مدام عبد الله
