صدمة عقائدية
السلام عليكم جميعا
معلش يا جماعة لو رسالتي هتبقى بلهجة كئيبة شوية بس طبعا كلنا حاسين بالمهزلة اللي بلادنا بتمر بيها .. أنا لغاية اللحظة دي مصدوم من مجموعة المعتقدات الغريبة عن الاسلام اللي البعض معتقد فيها وماشي يلطش في الخلق وناسي ان دم المسلم محرم على اخوه ... المهم أنا مش عايز اقلب في اللي حاصل كلنا بنتنفسوا كل لحظة وعشان كدة أنا قررت حاجة أنا ومراتي واولادي وبنصح بيها الكل عشان فرقت معانا بجد .. أنا ربنا كان كارمني وعندي حتة ارض في بلدنا وبيت العيلة بجوارها أخدت عائلتي ومعانا هدوم تكفي كذا اسبوع وقدمت على إجازة وطلعت .. بصحى الصبح عيني تشوف الخضار والناس البسيطة وطبعا لغيت فكرة فتح التلفزيون نهائيا لعدم التعرض لازمة نفسية اكتر من اللي أنا فيها .. أنا عارف ان كتير من الناس مش متوفر ليهم اللي ربنا كرمني بيه لكن نصيحتي حاولوا تفكروا في بديل او شبيه المهم أنكم وبجد لازم تعملوا فاصل والا مش هنقدر نكمل على الاقل على المستوى النفسي ... أسف للإطالة بس بجد الموضوع فرق معايا ومع أسرتي
ابو طالب
