بالأدلة.. خادمان بكنيسة البطرسية يؤكدان صحة تورط محمود شفيق في العمل الإرهابي
أكد توني تقلا، أمين خدمة إعدادي بكنيسة البطرسية، صحة تورط محمود شفيق في العمل الإرهابي، قائلًا عبر صفحته على "فيسبوك": "الراجل ده جه فعلا الكنيسة يوم السبت وسأل أسئلة غريبة، وده كان وقت التسبيحة، وناس كتير عرفت شكله مش كل حاجه بتتقال كدب، وكمان مش صعب أنه يتنكر ويلبس لبس وحده ست".
وروى مرقص مختار، أحد خدام الكنيسة البطرسية، في اعترافاته بتحقيقات النيابة نفس ما قاله "توني"، موضحًا: "يوم السبت بالليل 10 ديسمبر شوفت منفذ الانفجار على باب الكنيسة، وسألني قائلًا: السلام عليكم أنا مسلم وعاوز كتب عن الديانة المسيحية لأني بجمع معلومات عنها، فرديت عليه: للأسف يا أستاذ إحنا معندناش مكتبة ومش هنقدر نفيدك".
وأضاف خادم الكنيسة، "رد علىَّ مفجر الكنيسة قائلاً: طيب دخلنى بعد أذنك أقابل أى حد من القساوسة آخد منه شوية معلومات عن الديانة، ولكن رفض خادم الكنيسة ذلك قائلاً له: "حضرتك الوقت متأخر ولا نستطيع دخولك وممكن تيجى بكره نشوف حد يتكلم معاك، لأن الكنيسة بتقفل فى الوقت ده".
كان الرئيس عبدالفتاح السيسي، قد كشف عن اسم منفذ العملية الإرهابية بالكنيسة البطرسية، أثناء كلمته فى تشييع جثمان الشهداء، وقال: "اللى عمل كده علشان تكونوا عارفين شاب دخل الكنيسة اسمه محمود شفيق محمد مصطفى، وفجر نفسه داخل الكنيسة، عنده 22 سنة وقبضنا على 3 وسيدة وناقص اثنين، وإمبارح طول الليل بيطلعوا جثة محمود محمد شفيق مصطفى، اللى عمل العمل ده بحزام ناسف مش بشنطة، والكلام اللى أنا بقوله ده كلام مسئول وإلا ماكناش نقدر نيجى ليكم النهاردة".
