نص كلمة الرئيس السيسي في ختام جلسة تأثير الإعلام على الرأي العام الشبابي

قال الرئيس عبدالفتاح السيسي في ختام جلسة تأثير الإعلام على الرأي العام الشبابى ، "كل ما تم تناوله من تعليقات خلال الجلسة قد استفدت منها، النبي محمد قال إن المرء يصدق ويتحرى الصدق حتى يكتب عند الله صديقًا، لقد استدعيتم أدابيات الإعلام الخارجية واستندتم عليها في رأيكم وهذا مقدر ولكن التفتو لما قلتله، ورغم منصبي لم أتحدث معكم بأي شكل من الأشكال غير الصدق كل الصدق، وموجدتش إشكالية في كده أني أكون صادق وأمين ومتجرد، أنا عاوز أقولكم على حاجة حضرتك بتدخل بيوت الناس بيشوفك الطفل الصغير بتسريحة شعرك بلبسك بطريقة كلامك خلي بالك انت هتحاسب أمام الله على كل حاجة من هذه مش بس المهنية، كل كلمة إساءة وكذب كل من سمعها ستحاسب أمام الله إنك طرحت كذب، ما نحن فيه من 2011 وحتى اليوم تجربة والتجربة تاخد مداها، ومستعد اجيبلكم الجرايد بتاعت أي يوم والقنوات، أنا بتابع وبقرا المكتوب علشان أشوف انتو شايفين مصر ازاى وبتقدموها ازاى ،انتو بتضرو مصر جامد جدا من غير ما تقصدو ، انا اكلمكم كمسئولين عن البلد وليس الرأي العام فقط. 

 لقد فقدنا حميمية العلاقة بين بعض الدول  نتيجة اخبار صحفية ، أنا لم يصدر من جانبي توجيه من لأي حد للهجوم على شخص أو دولة، أقسم بالله العظيم اتمنى الا يصدر لفظ مسئ واحد داخل المجتمع المصري حتى لو أسئ إلينا، ويصبر علشان اللي مستقلنا.. ما يستقلناش.. واللي مستضعفنا  ما يستضعفناش.. واللي شايف ظروفنا صعبة ما يشوفناش.