داليا زيادة: "للي بيسأل الشباب فين.. أحب أبلغه إنه مع السيسي"
علقت داليا زيادة مدير المركز المصري للدراسات الديمقراطية الحرة، على انطلاق فعاليات المؤتمر الوطني للشباب، بمشاركة الرئيس عبد الفتاح السيسي، في مدينة شرم الشيخ.
وكتبت داليا زيادة في تدوينة علي حسابه بموقع التواصل الاجتماعي "فيسبوك"،"لمن يسأل الشباب فين أحب أبلغه إن الشباب مع السيسي، تعالى شرم الشيخ وشوف شباب مصر من كل الخلفيات والتخصصات، المؤيد والمعارض وهو بيتحاور ويتناقش وبيحاول يطلع بأفكار تدفع عجلة التنمية والديمقراطية في مصر للأمام".
وتابعت:"تعالى شوف الرئيس السيسي اللي جمع كل هؤلاء وهو بيشارك الشباب في الجلسات العامة وورش العمل ويتفاعل معهم ويسمع منهم ويرد عليهم ويناقشهم. تعالى شوف مصر تحيا من تاني بقوة شبابها وعقل رئيسها وحكمته وإخلاصه".
وأضافت: "بنحب الرئيس السيسي لأنه أول رئيس يشتغل علشان الشباب ومستقبلهم، بنحبه علشان مش قاعد مرفه في أوروبا وهو بيتاجر بينا وباسمنا زي كتير غيره. بنحبه علشان هو بيحب مصر بلدنا بجد. بنحبه علشان هو مننا واحنا منه".
وانطلق المؤتمر الوطني للشباب، أمس الثلاثاء، تحت شعار "ابدع.. انطلق" في ختام عام الشباب المصري، بحضور ورعاية الرئيس عبد الفتاح السيسي، ويستمر لمدة ثلاثة أيام بمدينة شرم الشيخ.
