"تكنو موبايل".. بيسخن.. مبيشحنش.. أعطال مفاجئة أبرز شكاوى المستهلكين

شكى عدد من المستهلكين من بعض العيوب الفنية  بأجهزة  "تكنو" خصوصاً من نوعيات Tecno Boom J8 و TECNO W4 منها بعض المشكلات الفنية ومشكلات في الصوت سواء من حيث التوقف المفاجئ لنغمة الرنين أو في تقطع الصوت وتغيره من مكالمة لأخرى إلى جانب عدم وجود بعض قطع الغيار خصوصاً البطاريات، والكماليات الخاصة بالموبايل.

ورغم نشر هذه الشكاوى على الصفحة الرسمية لـ "تكنو موبايل مصر"، على موقع التواصل الاجتماعي "فيسبوك"، إلا أن الصفحة في كثير من الأحيان لا ترد على المستخدمين، وهو ما وصفوه بأنه أسلوب غير لائق للتعامل مع العملاء.

وشكى مصطفى أبو اليزيد من أنه بعد شرائه لهاتفه المحمول من نوعية "تكنو بوم جي 8"، أكتشف أن "الموبايل" يرفض الشحن أثناء التشغيل ولا يقبل الشاحن إلى بعد إغلاق التليفون تماماً متسائلاً عن السبب؟.

وقال مستخدم أخر، "لو سمحت انا اشتريت تلفون ‏TECNOبس بيسخن معرفش ليه والبطاريه مبتكملش يوم مع إني مش بستخدمه كتير اعمل ايه؟".

وأضاف مستخدم أخر، "انتو مش بتردو علي الناس ليه هو احنا بنشحت منكو علي ماتردو علينا خدمه عملاء اي كلام ومافيش اي رقابه".

وقال محمد صلاح : " لو سمحت انا اشتريت موبايل تكنو W3 وفصل لوحده بعد كده بفتحه لاقيت الشاشه جابت الوان غريبه وتقريبا كده الشاشه اتحرقت وفصل ومرديش يشتغل بعد كده ايه الحل لو سمحت عشان الموبايل عليه شغلي كله."

وأضافت سارة الدسوقي: " ا جماعه عايزه الحل بسرعه انا موبايلى  camon c7و كل م اغير نغمة الرنين الصوت يختفي عملتله ضبط مصنع اتظبط جيت اغير النغمه تانى الصوت اختفي عايزه حل بسرعه لان مش كل م اغير نغمه هأعمل ضبط صنع لان الموبايل عليه حاجات مهمه و ضبط المصنع بيمسحها".

ونضع هذه الشكاوى بين يدى المسئولين عن الشركة لعلهم يجدون حلاً لها.