رامي رضوان لمنتقدي استقبال السيسي بنيويورك: "أنت مالك"
علق الإعلامي رامي رضوان، على استقبال الرئيس عبد الفتاح السيسي في نيويورك، قائلًا: "ياريت نخلينا في حالنا.. وكل واحد يعمل ويقول اللي نفسه فيه أيا كان طالما في حدود الأدب".
وكتب "رضوان"، في تدوينة علي حسابه بموقع التواصل الاجتماعي "فيسبوك"،"أنا شايف ناس متضايقة قوي ومحروقه من وقفة عدد من المصريين في نيويورك للترحيب بالرئيس السيسي، والغريبه أن بعضهم ماشفتلهمش نفس المشاعر لما الإخوان (الله لا يرجعهم) كانوا بيقفوا يشتموا في الرئيس وفي مصر وفي المؤيدين حقيقي شيء غريب".
وتابع:"أنا مش هصنف ولا احسب حد على تيار ولا جماعه..أنا بس عندي سؤال واحد، أنت مالك؟! ما اللي يقف يؤيد يقف واللي يقف يغني براحته، واللي يقف يهيص على كيفه وبنفس المنطق أيضا".
وأضاف:"اللي عايز يقف وقفه يعترض يقف ويعترض ويقول ما بداله..بس هيعرف يعمل كده منغير شتيمه وقلة أدب وسفاله؟ يمكن"، وختم: "الخلاصه..ياريت نخلينا في حالنا..وكل واحد يعمل ويقول اللي نفسه فيه أيا كان طالما في حدود الأدب والاحترام واللائق، مش كده ولا أية؟!".
