"جوزي جوزك مثنى وثلاث ورباع".. حملة أثارت الجدل بين النساء.. ورجال يعلقون: "شرع الله"

وكشفت رانيا أن فكرتها لاقت استحسان وقبول الكثيرين، حيث أشارت إلى أنها تواصلت مع الزوجة الثالثة التي اقتنعت بالفكرة، مشيرة إلى أنهم في طريقهم للتطبيق لتزويج أزواجهن من أخريات.

وقد لاقت الفكرة هجوماً قوياً من قِبَل السيدات، فأدانت نهى السيد الفكرة وقالت: "الجواز مش مشروع جنسي ولا دار إيواء مشردين ولا مشروع تجاري! والراجل برضو انسان مش منحة توزعيها على حبايبك من السناجل والأرامل والمطلقات! الجواز يعني بتختاري شخص بتحبيه تعيشي معاه حياتك كلها ويكتفي بيكي عن العالم وتكتفي بيه!، ولما تكرهوا بعض اتطلقوا ما تروحيش تاخدي واحدة من بيت اهلها وترميلها جوزك الي انتي شايفاه بلاء من رب العالمين بطلوا قرف ونفاق بقى".

وعلى نفس النهج أدانت أخرى تدعى «إسراء عزيز» فكرة قيام الزوجة بتزويج زوجها من أخرى فقالت ساخرة، وهي تدين صاحبة الفكرة: "الأخت بتاعت التعدد شرع انتي لو كنتى حبيتى بجد زوجك وسخرتي ليه حياتك وقلبك عمرك ماتتقبلي تشاركك واحدة تانية قلبه".

وأشارت إسراء إلى أضرار فكرة تعدد الزوجات للرجل فقالت: "إن كيدهن عظيم، ممكن بعد ما تجوزيهاله تخطفه منك وهو مش ملاك من السماء عشان يعدل بينك وبين واحدة تانية ايوا مقلتش حاجة التعدد شرع لكن بشروط وبعدين بدل ما تقعدوا تتكلموا عن التعدد ساعدوا الشباب اللى من غير زواج قرفتونا".

ومن ناحية أخرى لاقت الفكرة قبولاً شديداً عند الرجال، وظهر ذلك في دعمهم لها على موقع التواصل الإجتماعي فيس بوك، فدافع حساب يحمل اسم «د.أحمد» عن فكرة تعدد الزوجات، وتزويج الزوجة لزوجها بأخرى، موضحاً أن الفكرة ضرورة مجتمعية لعلاج المرض الأسري، قائلاً: "مش عارف ايه اللي عاجب النساء في الملل الأسري دا؟!..التعدد شرع وضرورة مجتمعية".

ورداً على هاشتاج رانيا هاشم لتعدد الزوجات قام أحد النشطاء ويدعى «أحمد الجارحي» بتدشين هاشتاج "ساعد شاب بدل ما تتجوز تاني"، كحل لأزمة العنوسة التي رأى انها مفجر فكرة التعدد.

فقال "أحمد الجارحي" صاحب الفكرة: "بالنسبة للهاشتاج المنتشر ده بتاع الأخت رانيا هشام، التعدد الشرعي، مفيش أي مشكلة من تعدد الزوجات مع أن التعدد ليه شروط ولازم العدل في المشاعر قبل الماديات بس مفيش مشكلة عادي، هو مش السبب في التعدد هو نسبة العنوسة اللي زادت على حد قول الناس اللي مؤيدة فكرة التعدد شرع ؟ تمام..ايه رأيكم كل زوجة موافقة على التعدد بدل ما تجيب لنفسها زوجة تانية تخلي زوجها يدي فلوس زواجه من التانية لأي شاب مش قادر يتجوز و بكدة هيكون خد ثواب حل مشكلة العنوسة و ستر شاب و بنت مش بنت بس ها إيه رأيكم ؟ #ساعد_شاب_بدل_ما_تتجوز_تاني".

ووافقته الرأي إحدى ناشطات فيس بوك وتدعى "داليا إبراهيم" فقالت باستياء: "اللي مش عايشيين معانا في أم المخروبة...بدل التعدد جوزوا البنات دول للشباب اللي مش قادر ماديا أنه يتجوز...واهوه بدل ماتعفي رأس واحدة تعفى راسين..وبكده ثوابكم حيبقي اكبر".

ومن ناحية الدين يقول الشيخ عبد العزيز، عضو لجنة الفتوى في الأزهر، إن تعدد الزوجات حلال، وأن فكرة رانيا هاشم فكرة ليس عليها اعتراضات دينية، فالتعدد مباح شرعاً ولكن بشرط العدول، أي أن يكون الزوج عادل بين زوجاته مادياً ومعنوياً، قائلاً: "من يجد في نفسه العدل فليتزوج بأخرى ولكن على علم أنه حال تقصيره سيحاسب حساب عظيم".