قصة تكشف عن أحدث طرق تجارة الأعضاء البشرية

الحادثة دي حصلت مع واحده صحبتى
كارثة بجد... بتقول لي إنها راحت ببنتها عند الدكتور.... ومنتظره دورها عادى جدآ..
واحدة ست قاعدة وشايلة ابنها منتظره دورها... جت لها واحدة من الموجودين بعدها في الدور.... منتقبة ومعاها طفل... بس لفاه لفه غريبة... وقالت لها: لو سمحتى يا أختى... ابنى تعبان وجوزى حالف عليا ما أروحش للدكتور... ممكن تخديه تكشفيله وأنا هاقولك هو عنده ايه وتشرحى للدكتور ؟؟؟؟
الست على نياتها قالت لها ماشى... طب وابنى ؟؟؟؟
قالت لها: خليه معايا على ما تتطلعى من جوة
الست المنتقبة ادتها ابنها بلفّته... وأخدت ابن الست الغلبانة من إيده
و التانية دخلت للدكتور...... بتحط الولد علشان يكشف عليه... وبترفع اللفه لأنه كان ملفوف جامد قوي... لقيت هى والدكتور كااااااااااااااارثه
الطفل ميت !!!!!!!!! ومفتوح من عند زوره لحد تحت بطنه... متفرغ من جسمه كل أعضاءه
صرخت وطلعت تجرى على الست المنقبة.... لقتها أخدت ابنها.... وفص ملح وداب
فضلت تصرخ بس مين يسمع... الست التانيه منتقبة... ومستحيل تقدر توصل لها
و راح ابنها منها قدام عينيها....
دى حصلت بالفعل عند دكتور اسمه محمد سعد فى المهندسين للى حابب يتأكد
أنا بنقلها للإفادة علشان كلنا بنروح عيادات اطفال... ومبنبقاش وخدين خوانة... والله انا باكتب وقلبى بيتقطع على الطفل اللى راح ونهايته بدون اعضاء... وعلى التانى اللى زمانه حصّله بنفس المصير المؤلم ده...... وعلى الأم اللى ربنا عالم حالها ايه دلوقتى
أرجوكوا خدوا بالكم....... دى حاجة جديدة في مهنة وتجارة قذرة فى طرق خطف الاطفال