طريقة شيطانية لخطف الأطفال.. احذروا ما حدث مع "زينب" في شوارع طنطا
انتشرت في الآونة الأخيرة عصابات لخطف الأطفال، ابتكرت طريقة شيطانية، باقتراب متسولة بحوزتها ورقة مدون عليها اسم دواء من سيدة معها أطفال، وتحتوي الورقة على مخدر، وفور اقتراب المرأة لقراءتها، تشعر بدوار وإغماء، وبعدها يهربون بالأطفال.
سيدة تدعى زينب الجمل من مدينة طنطا، روت تلك الطريقة الجديدة لخطف الأطفال، قائلة: "النهاردة ماشية أنا وولادي ولد وبنت عمرهم 7 و9 سنين، رايحة أوديهم الدرس قابلتني ست في الخمسينات وفضلت تقولي ربنا يخليهملك، اديني أي حاجة اشتري الدواء ده، وماسكة ورقة مقطوعة صغيرة في أيديها ، وأنا ماسكة الولاد في أيدي وبكلمها وأنا ماشية لقيتها بتناديلي تقولي طيب تعالي اقري الورقة قوليلي اسم الدواء ايه".
وأضافت السيدة: "بصراحة أنا مش مدية خوانة بس الحمد لله ما وقفتش أصلا أنا كنت تحت الحضانة قلت للأولاد يالا أجروا على فوق لأني دايما بسبهم يطلعوا لوحدهم وبمشي اروح"، متابعة: "وأنا واقفة في مدخل العمارة مش شايفيني لقيت بنتين عمرهم ما بين 18 و20 سنة ومعهم راجل ولقيت الراجل بيزعق للست ويقولها إنتي واقفة تتحايلي عليها مقربتيش ليه وبرشمتيها".
وأردفت: "لقيتها بتقوله ما هي المرة مش راضية توقف وماسكة في العيال، رد عليها وقالها دي معاها عيلين مرة واحدة وقال للبنتين إنتم واقفين بعيد مجتوش من وراها ليه".
واستطردت: "أنا سمعت كده وطلعت جري على فوق في الحضانة فضلت أرغي مع المدرسات منزلتش إلا بعد نصف ساعة كانوا مشيوا الحمد لله"، خاتمة: "خدوا بالكم أوعوا تقفوا لحد ولا تكلموا حد".
