نشوي الحوفي: السيسي ماعملش انجازات.. ناس من الفضاء بينزلوا بالليل يعملوا شقق ويزرعوا الأرض

وقالت "نشوي الحوفي"، في تدوينة علي حسابها بموقع التواصل الاجتماعي "فيسبوك"، اليوم الأحد، "السيسي ما عملش حاجة خالص، شرفت أن حضرت حفل افتتاح الحفر للقناة الجديدة في 5 اغسطس 2014 المنطقة كلها كانت عبارة عن صحرا صفرا بس".

وأضافت: "وافخر إني حضرت حفل افتتاح القناة الجديدة السنة اللي فاتت في نفس التاريخ كانت القناة فقط وأدوات بناء وحفر على بعد كبير منها تبدو ظاهرة في الأفق وبس، امبارح لقيتني بازور مدينة الاسماعيلية الجديدة وأول مرحلة فيها لأن فيه ناس ما نامتش من يوم ما سيبنا المكان في 6 اغسطس 2015، فعلى مساحة 2157 فدان شفت الشغل ما بيقفش في مدينة الاسماعيلية الجديدة اللي حتشمل 7 أحياء بـ 57 الف شقة، تبدأ فيها الشقق من مساحات 100 متر لحد 160 متر".

وتابعت، "أسعار وطريقة دفع هايلة - 60% أولوية لولاد الاسماعيلية والباقي لمدن القناة اللي حواليها لان ليهم شغل في المنطقة... واكلنا كمان في نادي الفيروز اللي جوه المدينة حاجة مبهرة... لما تمشي في شوارع المنطقة اللي خلصت وتشوف الشقق والعمال والمهندسين اللي بقالهم سنة ما ناموش عشان يخلصوها".

وواصلت، "تستعجب من السؤال اللي ساعات تسمعه:"هو السيسي عمل أية؟" لا فعلا السيسي ما عملش حاجة خالص اللي عمل كده ناس من الفضا بينزلوا بالليل يعملوا شقق ويزرعوا أرض ويعملوا انفاق ومصانع وقناة جديدة بطوب 72 كيلومتر وبيغيروا خيبة 40 سنة فاتت وبطلعوا الفضا تاني:) عاشت مصر حرة مستقرة رغم غباء البعض وندالة الاخرين وخيانة البعض التالت".