بالصور.. حكمدار العاصمة ينظم المرور لتأمين الراقصة صوفينار

الست صوفينار راحت سينما فى وسط البلد لتحضر فيلمها «30 يوم فى العز» المشاركة فيه، قوم حصل إيه أولاً الأخت الراقصة نسيت أو تناست أن سينما وسط البلد شباب وناس وطبقة متوسطة وشعبية رايحة الأخت صوفينار بفستان تقريباً هو بدلة رقص وترجع تقول الناس والشباب بيتحرشوا مش عارفة إنها وسط ناس ونازلة فى الشارع!! فى الشارع يا أخت.

قوم حصل ودا طبيعى لو أى واحدة نازلة باللبس دا الناس هتتلم فما بالكم بالراقصة اللى عاملة دوشة فى الانترنت حصل شلل مرورى والناس اتلمت قوم يا مصريين حكمدار العاصمة بقول حكمدار العاصمة ولمنع حصول كارثة يتدخل شخصيا لتنظيم الحركة المرورية بسبب صوفينار ولفك الاشتباكات التى حدثت بين الحراسة الخاصة بالراقصة وبين المصورين الصحفيين والجمهور بسبب لمة الشباب حول الراقصة.. ولا حول ولا قوة إلا بالله لا يحدث هذا إلا فى مصر حكمدار العاصمة ينظم المرور بسبب راقصة!.