آخر التقاليع بـ"فيسبوك": البلطجة عمل خيري وبأسعار تصل لـ1500 جنيه (صور)
انتشر على موقع التواصل الاجتماعي "فيسبوك"، صفحة تروج لأعمال البلطجة بمقابل عائد مادي؛ بزعم استخلاص الحقوق وردها لأصحابها.
الصفحة التي سُميت بـ"السراج لأعمال البلطجة واستخلاص الحقوق" عرّفت نفسها بأنها لن تترك حقا لأحد المواطنين إلا وسيرد إليه، بواسطتها، إذا قالت: " عشان إحنا في بلد مفهاش قانون يحميك أو يجبلك حقك , فاحنا هنا علشان نجيب حقوق المواطنين, لو عربيتك اتسرقت الشرطة ما بترجعهاش, لو حد وقفك ف الشارع وخد فلوسك محدش هيحميك, لو أي حد أطول أو أكبر أو عنده ناس اكتر منك يقدر ما يديكش حقك, ياكل عليك فلوس أيا كان".
وتضيف الصفحة في تعريفها: "علشان ما تعرفش تركن عربيتك تحت البيت علشان عندك جار بيضرب برشام وواخد المكان عافيه.. علشان سواق الميكروباص يزود الاجره عليك ولو مش عجبك هتتشتم ووتنزل.. باختصار علشان احنا بلد اكل الحقوق, بلد القوي بياكل الضعيف, احنا قررنا اننا مش هنسب حق حد إلا لما نرجعه".
ونشرت الصفحة التي يتابعها نحو 22 ألف شخص، صورًا بأسعار البلطجة "الخيرية" للمواطنين، وحددت مبلغ ألف جنيه لضرب وطرد السايس البلطجي من المنطقة، و1500 جنيه لضرب وتكسير سيارة سائق الميكروباص أو التاكسي الحرامي، وكذلك ضمت القائمة أستاذ الجامعة الذي وصفته الصفحة بـ"الفاجر" وسعّرت البلطجة عليه بـ500 جنيه لـ"التهزيق" (التوبيخ والشتائم)، وألف جنيه للتهزيق وتكسير السيارة، كما شمل البوست "حرامية السيارات" التي قالت الصفحة إنها تسترد السيارة المسروقة منه وتصيب السارقين بعاهدات دائمة، والسعر بحسب المعلومات ومكان السارقين.
وتفاعل عدد من المتابعين على "البوست" وسط حالة من الدهشة والاستغراب، بينما تعامل البعض بالسخرية والتهكم على الصفحة.
