تجار السويس لـ "الفجر" أسعار فوانيس رمضان في متناول الجميع وإنتاج مصري بنسبة 80% (فيديو )
رصدرت عدسة "الفجر" أسعار فوانيس رمضان بالاسواق بمحافظة السويس،حيث بدأت مظاهر شهر رمضان المبارك تنتشر فى شوارع المحافظة مع قرب الشهر الكريم وبدأ المواطنين فى الاقبال على شراء فانوس رمضان.
وقال محمد طلعت أحد تجار الاربعين، بالنسبة لاسعار الفانوس العام الماضي كان يتراوح ما بين 45 جنية بالنسبة للصينى لكن السنة دى الفانوس الصينى اسعاره مرتفعه من بين 70 و90 جنية، بالنسبة للشغل المصرى هو اللى حاليا عليه اقبال كبير والفوانيس الخشب العام الماضى كان يترواح سعرها من 120جنية المستورد لكن بعد ماقررنا صناعته فى مصر يترواح سعره بـ 45 بيغنى وينور والفانوس الصاج عاد بقوة السنة دى والسحب على الشغل المصرى أكثر مثل فانوس الخايمية والخشب والصاج والاقبال على المستورد مبقاش علية اقبال زى زمان لان الشغل الحالى فى السوق بنسبة 80 % مصرى واسعارها فى متناول الجميع.
وأضاف محمد خليل أحد تجار السويس، بالنسبة لشهر رمضان إحنا بنستعد له بشكل خاص لان شهر رمضان مهم جدا لكل المصريين وعادة للناس شراء الفانوس مانقدرش مانوفرش تشكيلة من الفوانيس مهما كانت الاسعار مرتفعة او منخفضة ونحاول نضع نسبة ربح قليلة علشان المواطنين كلها تقدر تشترى ده بالنسبه لهم عيد، والسنة دى مختلف شغل فانوس رمضان دخلنا الفانوس الخشب وصناعة مصرية والفانوس الخشب والخيامية صنع سويسى والمنتجات اكثرها مصرية رمضان السنه دى واسعارها مناسبة للجميع وان شاء الله هبعت للماكنية اللى بتصنع فوانيس من الصين وهنصنع المنتج فى السويس وبايدى مصرية وتشغيل الشباب ويكون المنتج مصرى ونقدر بحاجة بسيطة نقف جمب بلدنا وشبابنا والاقبال السنة دى مرتفع على الفانوس المصرى.
