أديب: "سوريا بقت خرابة.. وجيشنا عمره مايرفع بندقيته في وش مواطن"
قال الإعلامي عمرو أديب، إن مصر هي دولة التوحيد في كل شئ، لافتًا إلى أن مصر نسيج واحد في كل شئ سواء الوطنية أو الإنتماء.
وأضاف "أديب"، خلال تقديمه برنامج "القاهرة اليوم"، المذاع على فضائية "اليوم"، مساء السبت: "إحنا عمرنا ما هنشوف مصر زي العراق او سوريا وإحنا معندناش طائفية ولا أي حاجة ولا عمرنا هنشوف مثلا الطائرات تضرب الشرقية ولا الغربية"، مؤكدًا أن ما حدث في حلب هو "إفتراء" من نظام بشار الأسد ولا يمكن السكوت عليه لانه إنتهاك للإنسانية بالكامل ولكن يبدوا أن الإنسانية حدث لها تبلد لدي البعض.
وتابع: "سوريا بقت خرابة كاملة ومتكاملة وكل اللي همنا اننا نعمل تويتة وهاشتاج عشان نغسل ايدينا من اللي بيحصل، ومصر لو حصل فيها كده يبقى احنا اللي عملنا في نفسنا كده ونستاهل بس جيش مصر عمره ما يرفع بندقيته في وش حد، وعلى فكرة سيناء كانت ممكن تخلص في يومين على طريقة بشار الأسد".
