عيد الأم بالدقهلية خارج نطاق الخدمة.. و"التجار": "الناس بتيجي تتفرج وتمشي" (فيديو)

 

تزامنا مع احتفال عيد الأم، رصدت "الفجر"، أجواء استقبال يوم الاحتفال، وقالت هويدا رأفت من أهالى مدينة السنبلاوين بمحافظة الدقهلية، "متعودة أجيب هدية لأمى في عيد الأم متمثلة في عبايات وطرح والأسعار، بيقولوا الدولار غالي إحنا مالنا إحنا بنشترى مصرى".

 

وأوضح" أنور" مسؤول عن محل بيع عبايات حريمى، أن "الإقبال ضعيف عن العام الماضى ويعود ذلك لارتفاع الأسعار، البلد مضغوطة وفى ناس بتشترى بس بسيط، لو بصيتم على السوق هتلاقى الناس ماشية بتتفرج على بعضها محدش بيشترى لأن الدولار غالي".

بينما اختلفت معه شيماء عوض إحدى مسؤولي محال بيع العبايات، "الحمد لله فى إقبال العبايات أكتر حاجة بتتباع والأسعار بتبدأمن 300 جنيه إلى 500 جنيه، والأسعار العام الماضى كانت أقل وكل سنة بتغلى وتزيد سعرها".

وقال المواطن محمد أحمد حسن: "أنا كنت بجيب هدية فى عيد الأم دلوقت لا مبقتش أجيب لأن كل حاجة غليت، ومفيش أي سلعة غالية الكهرباء المياه الغاز مش عارفين نعمل إيه إحنا شغالين بقوتنا".

 

وأكد نعيم جواهرجى بمدينة المنصورة، أن شراء الذهب يشهد رواجا فى الفترة الحالية تزامنا مع اقتراب الاحتفال بعيد الام  وخصوصا الهدايا والذهب سعره نزل مع إنخفاض الدولار، بينما  بكر جواهرجى بمدينة المنصورة، لا يوجد إقبال على شراء الذهب بسبب إرتفاع سعره.

ولاقى بيع الشنط كسادًا من مواطني الدقهلية كهدايا لعيد الأم، وفقا لما أكد حمدى مصطفى، صاحب محل بيع شنط حريمي، لافتًا إلى أن "الإقبال على شراء الشنط مش زي كل سنة علشان الأسعار زادت بنسبة كبيرة وده خلا الإقبال قليل، وتبدأ أسعار الشنط من 150 جنيه وحتى 280 جنيها".