أحمد شوبير يكتب: مش كده ولا إيه؟!
■ اتحاد الكرة.. سيبقى وكلنا سنرحل
■ الأهلى.. يوم الامتحان يُكرم المجلس أو يُهان
■ الزمالك أخيراً «سمعنا صوتكوا» السكوت أفضل
■ الإسماعيلى.. قولنها من زمان البلدى يوكل.. مبروك يا قماش
■ ميدو.. خليك فى التحليل فلوسه حلوة أما التدريب فمن غير فلوس ومشاكلة كتير
■ وليد صلاح الدين.. مشوار إسكندرية شكله مش هيطول
■ سمير زاهر للمرة الألف صحتك بالدنيا
■ هانى أبوريدة.. مش عارف بتقدم تنازلات ليه ولمين طريقك سالك ومالكش منافسين
■ عصام عبد الفتاح رغم أن اللائحة تسمح إلا أن ضميرك كان يجب أن يمنع.. تعليقاً على الجمع بين منصبين وزير لجنة الحكام بالإمارات وعضو مجلس اتحاد الكرة
■ السيد الوزير خالد عبد العزيز.. مبروك يا جدو
■ التحية ديه واجبة بمناسبة الحفيد عز الدين
■ حسن حمدى مبروك مقدماً!!
■ كوبر.. استعد إما لتجديد الإقامة أو نقولك «مع السلامة» فى انتظار مباراتى نيجيريا فى تصفيات أمم إفريقيا
■ ماكليش.. واضح إنه زوجتك بنت بلد وجدعة.. الزملكاوية نفسهم تبقى جدع وتكسب الدورى
■ مارتن يول.. الوردة الحمرا قربتك من جمهور الأهلى درع الدورى يكسبك كل جماهير الأهلى
■ مارتن يول.. جماهير الأهلى تعملك تمثال لو روحت بيهم اليابان
■ غزل المحلة.. يا بخت من زار وخفف كان شعاركم فى الدورى السنة ديه
■ حرس الحدود.. خسارة تاريخ اتصنع فى وقت قليل وانتهى فى وقت أقل
■ اتحاد الشرطة.. واضح انكم ما استفدتوش من كمين الداخلية مع أنكم هيئة واحدة
■ طنطا.. كنتوا على أعتاب الدورى الممتاز سنتين وضيعتوا الفرصة السنة ديه لو ضيعتوها أحسن تقفلوها
■ بعض السادة المعلقين حرام كفاية مش كده ولا ايه
■ السادة المخرجون بعض المسئولين صورهم بتيجى فى المباريات أكثر من اللاعبين ده اسمه ايه
