8 انفعالات وتحذيرات غير مسبوقة لـ«السيسي» خلال انطلاق «استراتيجية التنمية المستدامة 2030»
بـ«مؤتمر تدشين مبادرة رؤية مصر»..«السيسي» ينفعل ويهدد
عدد من الانفعالات والتهديدات خرجت من بين كلمات الرئيس عبد الفتاح السيسي اليوم الأربعاء، خلال كلمته بمؤتمر تدشين مبادرة رؤية مصر 2030 بمسرح الجلاء.
حيث انفعل الرئيس عدة مرات موجها تلك الانفعالات تارة للمواطنين وأخرى لبعض المسؤولين، وفي مرة أخرى لبعض المخربين للدولة، وفي رصد لانفعالاته وتهديداته جاءت على النحو التالي:-
اللي عايز يفهم موضوع يجيني وأنا أقوله
عن أزمة المياه وسد النهضة، قال الرئيس عبد الفتاح السيسي: «في كلام من منظور الأمن القومي لا يحق لي قوله.. مش في سد بيتعمل، وهنتفق على عدد سنين معينة لملء السد، من فضلكم اللي يتكلم يعرف ويدرس الأول.. اللي عايز يفهم موضوع يجيني وأنا أقوله، وأي كلام انت هتتحساب عليه قدام ربنا»
لن أسمح بضياع مصر
وعن المخربين قال: «لن أسمح بضياع مصر مهما كان الثمن.. ولن نسمح بأي مخططات لإسقاط الدولة».
اللي بيعايرونا بالفقر..أنا مش هسكت
وعن عشوائيات مصر نبه الرئيس قائلاً: «50% من مساحة مصر عشوائيات.. يا اللي بيعايرونا بفقرنا.. بس أنا مش هسكت، ولما حد يوجعني متردوش يا مصريين، اشتغلوا ابنوا عمروا بلادكم هو دا الرد».
مش عايزين تبقوا مسؤولين اسكتوا
وانفعل الرئيس موجها حديث للمسؤولين والشعب قائلاً: «أنا مسؤول قدام ربنا أقول إني خليت بالي من المصريين.. وعايزين تبقوا مسؤولين معايا أهلا وسهلا، مش عايزين اسكتوا».
الرئيس لـ«محافظ البنك المركزي»: عايز أنظم الدنيا
فيما أوقف طارق عامر محافظ البنك المركزي، بعد انتهاء كلمته، وقال له بلهجة حادة: «عايز أنظم الدنيا.. وأنظم مستقبل الشباب، وتوفير المعدات تحت سيطرة الدولة، ويكون المكان متكامل.. انت قلت الكلام ده من سنة ونص في مدينة الأثاث في دمياط، وبدل ما أعمل ألف رؤية، أطرح كيانات للبناء ويتم التنفيذ الفعلي».
وتابع: « لو نفذتوا اللي قلت عليه من سنة ونص.. كنا سلمنا الشباب دلوقتي ألف مصنع.. أنا مش بهاجم الحكومة، أنا بانتقد نفسي».
هعمر في مصر لحد ما أموت
وقال موجها حديثه للشعب المصري: «انتوا فاكرين إني هسيب مصر ولا إيه؟ لا والله، هفضل ابني وأعمر فيها لحد ما تنتهي حياتي أو مدتي».
متسمعوش كلام حد غيري
وفي رسالة وجهها الرئيس للمصريين قال: «اسمعوا كلامي أنا بس.. بس»، ثم كرر الرئيس رسالته قائلا: «أنا بكرر مرة تانية متسمعوش كلام حد غيري.. أنا مش بكدب وفاهم وعارف انا بعمل ايه».
اللي هيقرب من مصر هشيله من على وش الأرض
ثم أضاف بلهجة غاضبة: «أنا لا بلف ولا بدور وعارف مصلحة البلد كويس..أنا مش هسمح إننا نقطع مصر ونوقعها.. ماحدش يفكر إن طولة بالي والخلق الحسن معناه إن البلد دي هتقع.. قسما بالله اللي يقربها هشيله من فوق وش الأرض.. انتوا مين؟».
