أبو الحسن حسن يكتب : دعوة للتفاؤل والأمل
(( قوم اتحرك ))
قوم اتحرك وأنسى أمبارح
بدِّل حزنك بشجر طارح
ليه راح تجري على الأوهام
ليه بتخاف تبقى لقدام
حتي لو أنت هجرت أحلام
خلي الفرح في بحرك سابح
إيه أخرك لو عشت حزين
أو زوِّدت ف دمع العين
طعم السعد هيبقي ضنين
وعمر الخير ماهيفضل طارح
تقدر يوم تمشي وتتغير
تقدر تضحك وماتتحير
بس الوعد إنك تتصَّبر
علشان فجرك يفضل بارح
غيَّر ريشتك والألوان
علشان طعم الفرحة يبان
افتح قلبك للخلان
تفضل راضي وفكرك رابح
خلي ورود الحلم تلالي
عيش أحلامك بإحساس عالي
أوع تروح ... أوع تطوح
بكرة الحلم ميبقاش عادي
ازرع سلم في كل بيوت
رجَّع تاني شجر التوت
ارسم فرحة بنسمة وطرحة
وأوع تخلي الحلم يموت
وأوع تخلي الحلم يموت
كلمات الشاعر / أبوالحسن حسن عكاشة
من ديوان (أيام الحرية )
