بالصور.. ابداعات الرجال في "المطبخ".. "بدل الملح يستخدم سكر"
طالبت المرأة كثيراً بالمساواة حتى قررت الدخول في مواجهة شرسة لإثبات قدرتها في الطهي عن الرجال، حيث لم يتسطع الرجل تحملها هي دخول "المطبخ".
وقامت أحد السيدات من خلال موقع التواصل الإجتماعي "فيس بوك" بإعلان ذلك التحدي عقب نشر أحد التدوينات تناولت من خلالها مآسي الرجال داخل "المطابخ".
وتوالت التعليقات على تلك التدوينة بين عرض الرجال أنفسهم لقصصهم المآساوية داخل المطابخ، وبين سخرية المراة على تلك القصص.
فبدأت مأساة الشباب في المطابخ المصرية بقصة "فهد السلام" أحد رواد "فيس بوك" الذي قام بنشر قصته مع "البيتزا" قائلا: "لما دخلت المطبخ عشان اعمل بيتزا مع اصحابي وجبنا طريقه البيتزا من النت مكتوب فيها ..البصل والفلفل والطماطم والجبنه التركي والبسطرمة يتحطو علي بعض ويتجهزو عشان يتحطو علي العجين...قمنا حطينهم علي بعض في طاسه وشوح يا معلم ولقينا الجبنه ساحت عليهم وسخنو وريحتهم حلوه..قمنا جايبين عيش وقعدنا نفطر ...ودي كانت اخر مره نعمل بيتزا".
ومن البيتزا للبطاطس المقلية، حيث قال ماجد الشربيني، ساخراً: "انا كنت بقلي بطاطس وانا صغير فحطيت البطاطس ع الزيت ونزل شويه من ميه البطاطس ف الزيت فلقتها طلعت نار كده قولت لازم اطفيها قومت مفضي ميه البطاطس الباقيه فوق الزيت قامت مولعه بزياده خفت بقا وندهت ع اخويا الكبير فقالي ابعد انت مبتفهمش ولا ايه وراح جايب ازازه ميه لتر وفضاها فوق الزيت والطاسه اتقلبت ف الارض ومن يومها بطلت ادخل المطبخ تاني".
وأضاف مصطفى سيد قائلاً : "كنت بعمل بشاميل و سلقت المكرونه و جبت اكياس البشاميل و فضيتها ع اللبن و سخنتها و من الهبل كسرت البيض ع البشاميل و هى ع النار و اتفاجئ بالبيض بيكلكع زى المسلوق من السخونية".
وقال محمد أبو زيد: "انا كنت بعمل فراخ في الفرن ولونها مكنش عاوز يبقي زي اللي بيطلع في التلفزيون روحت داهنها بن".
وقال محمد إبراهيم : "كنت بعمل كبده اسكندراني لأصحابي روحت مشوح الكبده وبدل ما احط ملح حطيت سكر مكنتش واخد بالي لما دوقتها عرفت ان حطيت سكر روحت مفضي نص علبه الشطة عليها علشان ميحسوش بطعم السكر".
فيما جاءت سمر فتحي، تسخر من المشاكل التي يسببها الأولاد في المطابخ، وقالت: "أبويا كان مسافر لمدة 3 شهور ومعاه واحد كبير في العمر وشاب، راح عمل فيها الكبير بتاعهم وقالهم هطبخ أنا، أول حاجة عملها نقع المكرونة شوية في المية علشان حس أن عليها دقيق،، كان بيفكر يخبزها بعد النقع لكن ملقاش فرن".
وسخرت هاجر أمين، قائلة: "اخويا اول مرة قرر يدخل المطبخ كان عاوز يعمل عجينة فماما بتقولة ايه المقادير فبيقولها :دقيق-خمير-شاى فكلنا استغربنا وهو قعد يحلفلنا ان هما كاتبين شاى فى الوصفة فبنبص لقينا معلقة شاى خميرة".
وقالت منال أحمد : "واحد زميلي مامته كانت مسافرة وسيباله البانيه في التلاجة على القلي .. لما جه يقليه قلبه بشوكة بلاستيك طبعا الشوكة ساحت على الفراخ حلف مايسيبها استناها لما بردت وشالها من على الفراخ وأكلها".
