بالفيديو.. "بحبك" الكذبة رقم واحد على البنات في مصر
تجولت كاميرا "الفجر" فى شوارع العاصمة ووجهت سؤالها للشباب والبنات، "ايه اكتر كذبة بيكذبها الولد على البنت؟".
وجاءت معظم الردود ساخرة ومجمعة على ان أكثر كذبة يكذبها الشاب على البنت، هى كلمة "بحبك".
حيث قال عمرو محمود، إن الشباب كثيرًا ما يكذبون على البنات، مؤكدًا أن أكثر كذبة يكذبها الولد على البنت عندما يقول لها "أنه محبش قبل كدة"، واتفق معه فى الرأى شاب آخر".
وأضاف سائق ميكروباص، "لما يقول البنت إنه ميعرفش عليها اى واحدة تانية .. لكن هو بيعرف وتمام التمام ومظبط نفسه والبنت متعرفش"، ساخراً "بيلعب بديله يعنى".
بينما قال احد الشباب، إن أكثر كذبة يكذبها الولد على البنت "إنه يقولها بحبك ويرسم لها الحياة انه هيتجوزها، وفى الأخر ياخدها على كوبرى قصر النيل يتمشوا شوية ويسبها بعد كدة"، وبملامح ساخرة قدم نصيحة للبنات " لو مكنش يجى البيت ويخطبك متتمشيش معاه على كوبرى قصر النيل".
وعبرت نهى عن استيائها من الموضوع قائلة، "يقولها انه هيتجوزها، فى اولاد بيحبوا بجد وفى كتير بيتسلوا وبس".
وأكد أخر بعينين ضاحكتين، "لما يقولها انا معرفتش غيرك.. وهو كداب اصلاً وبيعرف بنات الأرض كلها، مفيش شفافية، وهى نفس النظام بتقوله انت اول واحد فى حياتى وهى بتكون عرفت قبل كدة كتير، مفيش صراحة".
