عريس ماما
مساء الخير استاذة نيفين .. انا عايشة مع أمي وإخواتي ووالدي منفصل عن امي من سنين , انا كنت مخطوبة من سنة وفسخت الخطوبة واخواتي لسة في الجامعة , أمي مشكلتها انها شايلة همنا زيادة عن اللزوم لدرجة إنها بتتعب صحيا من الضغوط النفسية والمشاكل اللي احنا بنواجهها طول الوقت وجيت في يوم اقترحت عليها تتجوز خصوصا ان فيه راجل جارنا كويس جدا وهوة له نفس الظروف مطلق مراته لكن معندوش أولاد واتكلم معاها قبل كدة في انه يرتبط بيها وهية رفضت ولما انا عرفت شجعتها على المبدأ بدافع انها محتاجة راجل جنبها وبصراحة إحنا كمان محتاجين حد نحس انه يكون ضهرنا ويراعينا خصوصا ان والدي اهمل فينا خالص من ساعة الطلاق , للاسف هية بتقولي ( أنا كبرت على الكلام ده المفروض اجوزك الأول ) .. من ناحية تانية انا مش شايفة انا واخواتي اي مانع من جوازها مرة تانية وهية مش كبيرة قوي يعني !!
مش عارفة أقنعها ازاي وكلنا في ظرف محتاجين انسان كويس ياخد باله مننا ؟
منال
فضفضة
محررة الصفحة .. نيفين حجازي
من الطبيعي ان ترفض والدتك عرض الزواج فالأمر به شئ من الحرج من وجهة نظرها بخلاف عامل السن كما تحججت , عموما ناقشيها واخوتك في مدى إحتياجكم الى ما ذكرته وانه سيكون عوضا برعايته عن والدك هداه الله , وان شاء الله يكتب لكم جميعا الخير .. اتمنى لك واسرتك الهناء وراحة البال .
