ستات لصناعة العكننة

السلام عليكم وكل عام والجميع بخير،،

من الاخر وباختصار .. ليه كل الناس شكوتها واحدة في موضوع الجواز ده ؟ هل فعلا هوة مشروع اجتماعي فاشل ؟ ولا كل الستات نموذج واحد معوق ؟ ليه الستات زنانة وبعد الجواز بيتوكسو ويتحولوا الى اله لصناعة العكننة ؟! أنا طفحت من المشاكل وكرهت عيشتي من الهم ده غير الهم بتاع احداث مصر المحروسة اللي تحرق الدم مش عارف الاقيها منين ولا منين يخرب بيت اللي عايز يخطي خطوة الجواز وانا باعلن للجميع اللي بيفكر ياخد الخطوة دي راجل سفيه او مخلول او غير عاقل ويستاهل اللي يجراله .. هوة الواحد المفروض يتنيل يتجوز عشان يستقر ويطمئن ويهدأ ويمشي بما يرضي الله ولا عشان يجيله العيا ويطلع من هدومه واستغفر الله العظيم يكفر ؟؟؟؟؟ مش بقول أني ملاك لكن على الاقل مش كافر ابن كلب عشان يجرالي ده كله !!! يانهر اسود ..... حد من الرجالة يرد علية بحاجة معقولة ويحط في الاعتبار اني اب لثلاث اطفال

محمد الحسيني