حسبك الله هو نعم وكيل
السلام عليكم استاذة نيفين بشكرك على مجهودك كله وبدعيلك من قلبي ,
أنا مخطوبة لشاب حبينا بعض جدا لكن الخطوبة عمرها اسبوع والمعرفة نفسها عمرها أربع سنين حب , انا عندي مشكلة بسيطة في الكلام وهية التأتأة في الكلام نتيجة صدمة عصبية حصلت لي من فترة وبروح دلوقتي لطبيب متخصص بتابع معاه .. وحسيت بتحسن فعلا لكن ببطء لكن كل ما أقابل مشكلة بسيطة بلاحظ إن الموضوع دة بيرجع تاني بشكل أوضح .. مش دي المشكلة .. المشكلة في أهل خطيبي مش عاجبهم الحالة اللي أنا فيها ومرة كنت بزورهم في البيت والدته رميتلي كلمة على الموضوع دة جرحتني بيها فوق ما تتصوري لكن خطيبي مكنش قاعد هية استغلت فرصة عدم وجوده وقالتها لانها عارفة هوة بيحبني قد ايه ودايما بيدافع عني وكتير من ورايا قال لها كدة حرام لأن أي إنسان معرض إنه يجراله أي ظرف يقعده خالص بس هية مش مقتنعة وابتدت تكلمه على فسخ خطوبة من أصله .. طبعا أنا ما قلتش لأهلي علشان ما أعملش حساسيات بينهم القصة مش ناقصة أصلا , لكن أنا مش عارفة اعمل ايه في موضوع فسخ الخطبة اللي مامته بتتكلم فيه انا بحبه جدا وهوة كمان .؟؟؟؟؟
داليا
فضفضة
محررة الصفحة .. نيفين حجازي
داليا .. بارك الله لك و في روحك الجميلة وعقلك المتزن .. شعرت من رسالتك أن الأصل في طبعك الصبر.. أنتي اليوم أمام مشكلة أرى الخروج منها في منتهى السهولة قفي وقفة واضحة ومحددة مع نفسك .. إبدئيها بترك خطيبك يقود هو مواجهة الموقف مع والدته .. وإبتعدي عن أي مواقف تعرضك للإنفعال كي تستكملين علاجك على ألف خير بإذن الله .. وأنا معك في عدم إخبار أهلك إلا إذا تطور الموقف لا قدر الله , وحفاظا على معنوياتك والتي تعتبر الأصل في علاجك .. أنصحك بممارسة حياتك بشكل طبيعي جدا وإسألي طبيبك على كيفية التدرب على هذا فهو أمر ليس مستحيل .. بالعكس تماما .. وهي الطريقة المثلى لنجنب أنفسنا تراكم الضغوط أو تمكنها منا في لحظة ضعف أو قلة حيلة أو إحباط .. كوني صلبة ولا تدعي أتفه الأمور أو حتى أصعبها تغير ما بداخلك من ثقتك بنفسك وثقتك في الله طبعا , وكما قال خطيبك لوالدته أن كل إنسان معرض لمصيبة .. أنا أيضا أقولها لك .. لم أقصد أن نقوم بالدعاء على والدته بسوء لا قدر الله لكن أقصد التهوين على نفسك من هذا الموقف .. إحتسبي الله في أمرك كله فلا أحد يدري أين وضع الله له الخير ومع من أو متى .. صدقيني .. الثقة المطلقة في الله وحدها ودون تدخل منا .. يأتي دائما بالخير كله وبشكل وبقدر غير متوقع أبدا ودائما يكون الأفضل .. لك مني كل الإحترام وكل التقدير وتمنياتي لك بالشفاء العاجل .. بارك الله لك .
