باسم: خالد عبدالله يُحرض ضد الأقباط .. وقرار قفل القنوات المُحرضة حلو طالما بعيد عن(..)
باسم: افرحوا بقفل القنوات المحرضة بكرة يقفلوا تويتر وفيس بوك
باسم: نيجي على أخر الزمن نعمل من عكاشة بطل و شهيد رآي؟ المسخرة بعينها
أتهم الاعلامي الساخر باسم يوسف، الاعلامي خالد عبدالله بالتحريض على الأقباط على فضائية الناس، موضحاً أنه قال إن الاقباط سيشاركوا في حرق مقرات جماعة الإخوان يوم ٢٤ اغسطس، مضيفاً: يعني المفروض تقابل المسيحي من دول تقتله،مش كده؟ ده مش تحريض .
وأضاف يوسف - في تغريدات على حسابه الشخصي بشبكة التواصل الاجتماعي تويتر : اسهل حاجة اجيب متصل يقول اي كلام و اقول العهدة على الراوي، زي ماجاب مخبر امن الدولة و طعن في المنظمات الحقوقية و بعدين قال ماليش دعوة .
وأستنكر باسم غلق فضائية الفراعين على أنها مُحرضة قائلاً: ياللا افرحوا بقفل القنوات المحرضة بكرة يقفلوا أكونتات تويتر و فيس بوك و يقطعوا النت علشان الفتنة، اصل القرار حلو طالما بعيد عن .. ولا بلاش .
وتابع: يبقى نقفل جريدة الحرية و العدالة لما دلست على المتظاهرين و نقفل الفجر و روزاليوسف و قناة الناس و الموجز .. القفل غلط .. الحل مش قفل القنوات .
وقال باسم، نيجي على أخر الزمن نعمل من عكاشة بطل و شهيد رآي؟ اهي دي المسخرة بعينها .
