هالة صدقى: صبحى ملك المسرح.. ونور أسطى

أكدت الفنانة هالة صدقي، أن الفنان محمد صبحى، مخرج عبقرى بكل المقاييس الى جانب أنه ممثل.

وأضافت خلال لقائها في برنامج أنت حر مع مدحت العدل على قناة Cbcقائلة: صبحى بيسوق الممثلين صح جداً، زى ما عمل مع سيمون اللى فاجآتنى وهى بتقدم كارمن، وأنا شايفاه ملك المسرح، و فى مخرجين كدة بيحبوا الممثل، وفى اللى بيحب نفسة، ومنساش إنه هو حطنى على طريق الكوميدى .

وتابعت قائلة: نور الشريف، أسطى يعرف مفاكات التمثيل، وأحمد زكى، مش بروفشنل زى نور الشريف اللى شايفاة مش أسطى وبس هو صنايعى ومش بيحرق كل طاقته، بعكس أحمد اللى مكنش بيقدر يفصل من الشخصية بعد ما يخلصها وبيحرق كل طاقته، وفيلم السادات مأخدش جايزة لإنه إتقال إن أحمد زكي كان يقلد السادات مش بيمثل، رغم إنى شايفاه إتظلم لأنه كان أكثر من عبقرى فى الفيلم دة وكان لازم ياخد جايزة .