ملوش في الستات

صباح الخير أستاذة نيفين تحياتي ليكي ولكل العاملين في فضفضة , مشكلتي بتتلخص في كلمتين , جوزي مالوش في الستات تقريبا , انا متجوزة من ٥ شهور وجوزي مقصر معايا جدا وانا ملاحظة شوية حاجات مشككاني فيه , اولها انه بيتحجج لمنع اتمام العلاقة الخاصة بكل الطرق , تاني حاجة لما حتى بيحصل ده بضغط مني عفوا في التعبير بلاقي قدراته من الناحية الجنسية مش طبيعية والموضوع عادة مش بيكمل من ناحيته ده غير الخناقات بسبب الموضوع ده , انا مش فاهمة إمال لو متجوزين من ١٠ سنين هيعمل ايه ؟ …. ارجو الإفادة وشكرا

فضفضة

محررة الصفحة نيفين حجازي:

صديقتي الفاضلة .. كل ما أشرتي إليه يدفعني للشك بأن زوجك مدمن , لقد قمت منذ فترة بعيدة بكتابة موضوع صحفي عن ظاهرة الطلاق السريع وأسبابه وتحدثت مع الدكتور أحمد عكاشة في هذه الظاهرة وتحديدا عن فشل الكثير من الشباب في التواصل جنسيا مع زوجاتهم فكان الرد هو إدمان الزوج للهيروين الذي يدمر شعوره بالرغبة الجنسية من الأساس , باختصار .. حاولي ان تقنعي زوجك بعمل تحاليل طبية بحجة الإطمئنان على صحته للتأكد قبل ان تواجهيه , بعد ان تظهر نتائج التحاليل ارجو ارسال ردك على الميل لأطمئن , عموما الإدمان ليس السبب الوحيد لما تشكين منه لكنه للأسف من أكثر وأشهر المسببات لما قمتي بوصفه على زوجك , ادعوا لك بالتوفيق .