نشطاء اسكندرية يغازلون أمطار المدينة بموجة سياسية

اصيبت الاسكندرية بشلل تام بسبب الامطار التى هطلت بغزارة على المدينة مما تسبب فى غرق العديد من الشوارع الرئيسية والجانبية نتيجة فشل الادارات المحلية فى اصلاح البنية التحية للمحافظة مما جعل نشطاء الاسكندرية يهتفون ويغازلون عروسة البحر بموجة سياسية


فيما انتقد محمد حسينى شارع 45 دائرة منتزة الاسكندرية قائلا حتى البنية التحتية الى قارفنا بيها المخلوع بايظة .. المفروض نجيبة يكسح المية دلوقتى وقال حسام الدين محمد عايزين نعمل حملة لمواجهة الشتاء

ويعلل علية سيد رميح القول المحليات كل يوم بتكسر فى الشوارع علشان لما الدنيا تشتى المتظاهر تغرق فى الحفرة ميطلعش تانى كدة الحكومة قضت على المعارضة وثوار اسكندرية بدلا من السجون الحربية وسجون امن الدولة

ويغازل احمد ممدوح المدينة قائلا تعم شوارع الاسكندرية .. فى كل شارع فى بلادى المية واصلة لفخادى ويرد علية اسلام الجندى اسكندرية غرقت يارجالة .. وسمعنى سلام .. يابلادى يابلادى المية وصلت لفخادى

وتقول ياسمين البدرى على غرار إن روما تغرق .. إن الاسكندرية تغرق تغرق تغرق

أما محمد كمال فيقول من اول مامبارك مشى والمطر جه والخير جه منك لله يامبارك

بينما هيثم عبد الستار فيقول الاسكندرية الان بحر من الامطار ينهال علينا الان اللهم ياخالق السماوات والارض اخسف بطنطاوى ومبارك الارض

فيما قال عبد العزيز الشناوى الجو برد جدا وانا مريض بقالى كام يوم .. ومطر متواصل .. ورياح شديد .. واضح إن المجلس العسكرى مش عايز يسلم السلطة للمدنيين بسهولة .. يسقط يسقط حكم العسكر

وترد عليهم هناء ابراهيم بس سيبكم انتم انا مستمتعه فى هواء اسكندرية والمطرة بترخ عليا محدش زى