خـــــــاص .. وليد سليمان : الاهلى فوق الجميع والإعلام الأبيض يساند المندسين والحرامية والبلطجية

وجه لاعب الاهلى وليد سليمان رسالة شديدة اللهجة عبر صفحتة على الفيس بوك الى جماهير الاهلى حذرهم فيها من الإستماع الى كل من يحاول الوقيعة بينهم وبين لاعبى الاهلى وأكد فيها مدى حبه واعتزازة بتلك الجماهير وطمأنهم فيها على تقدير كل من هو أهلاوى لدورهم العظيم مع الفريق و فضلهم الكبير على كل لاعبى الاهلى

ولم ينسى وليد أن يخاطب الاعلام الزملكاوى متهما اياهم بمساندة البلطجية والمندسين وأصحاب الأساليب الدنئية واللصوص الذين يحاولون تشويه صورة الجماهير المحترمة وضرب مثالا لذلك لما حدث مع خطيبته التى تعرضت للسرقة على يد البعض منهم منذ أيام قليلة طالبا منهم مساندة الفريق فى مباراة انبى مذكرا اياهم بأن الاهلى سيبقى دائما فوق الجميع .. واليكم نص ما كتبه سليمان على صفحته الرسمية على الفيس بوك .

إخواني واعزائي واصدقائي من جمهور الاهلي العظيم إنتوا عارفين إنتوا إيه بالنسبالي من قبل ما اجي الاهلي, انا عايز متسمحوش لحد يفرق بينكم وبين لاعيبة النادي, ومفيش واحد في النادي يقدر ينكر مجهودكم وفضلكم على اللعيبه وعلى النادي في كل مباراة ..وعايز اققولكم ,خدوا بالكوا في بلطجيه بيندسوا بينكم وبيحاولوا يشوهوا صورتكم بالاساليب الدنيئه اللي بيعملوها زي ما حصل ما خطيبتي من يومين, وإتعرضت للسرقه من الناس دي وللاسف في ناس بتساندهم من الاعلام الابيض لتشويه صورة جمهور الاهلي حاننتظركم إن شاء الله في مباراة اليوم زي ما عودتونا ,ومهما يحصل الاهلي فوق الجميع ..تحياتي لكم اخوكم وليد سليمان . ..