اضيفى الحيوية لبيتك
علم صينى قديم مش جديد بيتكلم عن الطاقة ،طيب هى الطاقة دى مهمة ليه ؟ وايه موضوع (feng shui (اللى ناس كتير بتتكلم عنه ، يمكن لو عرفنا نقدر نستفيد ؟؟؟
الطاقة جوة البيت زيها زى الهوا . شوفوا ازاى بيدخل كل مكان و بيجدد روحه ! بتخلينا نضحك و نعيش بحب و نسمع بعض و نفكر كويس و ننام نوم عميق كأننا فى مكانعن أى دوشة بعيد
ومع السرعة و التحويل الالكترونى بدل ساعى البريد ، بقي أكلنا كله برة و العادم و التلوث و اكوام الزبالة حوالينا يوميا بتزيد و قش الرز يتحرق و يعمل لينا أزمات فى صدورنا بنحتاج لها بخاخات و كورتيزون و حقن فى الوريد
أول حاجة هنعملها هنستخدم فى بيوتنا خامات طبيعية زى القطن و القزاز و الخشب و المعدن و نبعد شوية عن الصناعى ....ما كفايه علينا سيراميك الارضية مليان برادة حديد عمّال يشحن أجسامنا بطاقة سلبية و كل ما ندوس عليه أعصابنا تتشد أكتر و هل من مزيد ؟؟
هنرجّع تانى القطن فى التنجيد و الزرع الطبيعى هيدخل بيتنا و نرعاه فيكبر و يرعرع و يزيد ، و حتى فى الكسوة هنستخدم القطن المصرى بلاش أى حاجة صناعى تخّلى احساسنا بالحر يزيد .
و هنشيل أى تراب من على الشبابيك فنفتح الستاير و نسمح للضوء يدخل بدون أى شروط او قيد
ده لو لسه بنحلم بصحة و عمر مديد