فرفور يقول : ماذا أقول لو جاء يسألنى؟!
ليس هناك ما يمنع من الرد على هذه الأسئلة التىتخيلت أنها وصلتنى من بعض الفنانين ووزراء مسئولين عملوا فى عصر مبارك وحرمه سوزى!.. ترى ماذا سأقول لكل واحد منهم لو جاء يسألنى؟!..
■ هوايتى فى أوقات الفراغ حاليا وأنا فى سجن مزرعة طرة هى كتابة القصص السينمائية، وقد انتهيت أخيراً من تأليف قصة واقعية عن الفترة التى كنا نحكم فيها مصر بعنوان «أزهى عصور الديمقراطية».. فهل من الممكن أن تتصل بصديقى محمود راشد تاجر الأحذية بالسيدة زينب، الذى يعمل - إلى جانب ذلك - فى مجال الإنتاج السينمائى طالبا منه أن يقدمها فى فيلم روائى طويل؟!
أحمد فتحى سرور
- ممكن قوى إذا أقتنع بأن مصر فعلا كانت بتعيش على ايامكم «أزهى عصور الديمقراطية».. غير كدة بقى ماليش دعوة إذا قطعها أو يعملها «نعل» للجزمة!..
■ المطرب سعد «الصغير» هل هو صغير فعلا؟!
درة
- هو اسمه كده.. زى ما تقولى صفوت «الشريف» وهو لا «شريف» ولا حاجة!..
■ أريد أن تتدخل للوساطة لى عند ثوار 25 يناير للموافقة على اختيارى لإحياء أولى حفلات عيد الثورة التى ستقام يوم 11 فبراير وسط «صينية» ميدان التحرير!.
محمد فؤاد
- لا يا عم.. «الصينية» صاحبتى وما يصحش أزعلها!..
■ تليفونى المحمول سرق منى عندما كنت فى سجن مزرعة طرة منذ شهر، أثناء تصويرى لإحدى حلقات برنامجى «صبايا الخير» وهو ما أحب أن أبلغك به!
ريهام سعيد
- تستاهلي.. إيه اللى وداكى حتة مليانة حرامية بالشكل ده؟!
■ مش أنا شفت عفريت فى الزنزانة اللى بانام فيها اليومين دول!..
حبيب العادلي
- وده جاله قلب إزاى يقف قدامك؟!
■ هل صحيح إن عائشة عبدالهادى قبل تعيينها فى منصب الوزيرة كانت تعمل فى إحدى وظائف السلك الدبلوماسي؟!
رانيا فريد شوقى
- دى شكل السلك الدبلوماسى برضه؟!.. على ما أظن كانت بتعمل فى «السلك الدبلوما.. شي»!..
■ بعيداً عن هوايته للعب الكرة ما الهواية الثانية المفضلة لـ «علاء مبارك»؟!
نيللى كريم
- حضرتك تعرفى إن فيه ناس غاوية القراءة وناس غاوية تسمع موسيقى وناس غاوية جمع طوابع بريد.. دا بقى غاوى جمع دولارات!.
■ بسبب أزمة البنزين وعدم توافره أرتفعت أسعاره لدرجة جعلتنى أفكر فى تزويد تانك السيارة بما هو أرخص بـ«الويسكي» مثلا!..
علا غانم
- كدة العربية حاتمشى «تتطوح»!
■ فى مسلسل «زهرة وأزواجها الخمسة» الذى يعاد عرضه حاليا، شاهدت الممثل حسن يوسف وهو يقوم باحتضان غادة عبدالرازق دون أن يكون زوجها الحقيقى فهل من الأدب أن يفعل ذلك؟!
«الشيخ» خالد الجندى
- أمال الأدب إيه يا مولانا؟!.. يحضن ثلاجة بيبسى مثلا؟!
■ رجاء أتمنى منك تحقيقه وهو الاتصال بأعضاء الجمعية الوطنية للتغيير حتى «ينزلوا» الأسبوع القادم كى يستمعوا لي، أغنى وسطهم فى ميدان التحرير احتفالاً بعيد ثورة 25 يناير!.
تامر حسنى
- ينزلوا علشان يسمعوك ماشي.. بس لو«نزلوا» ضرب ماليش دعوة!..
■ أنا فى الشتاء متعود على أكل «الرمان» بشكل دائم علشان مفيد جداً.. دا حتى دكتور السجن قاللى إنه «بيتقل» الدم!.
جمال مبارك
- طب وعلشان إيه.. هو انت ناقص!..
■ حضرتك غلطان يا أستاذ لما جيت لى الأسبوع اللى فات وأنت عيان عاوز تكشف فاكرنى دكتور باطني!.. أنا دكتور فى الاقتصاد!..
د. ممتاز السعيد
- وماله.. ما أنا «جيوبي».. تعبانة!
■ عمك شنطح جالك ينطح تدى له إيه؟!
حسنى مبارك
- أديله «إعدام»!.
■ صرح أحد الكتاب السياسيين الكبار بأنه بعد جمال عبدالناصر، وانور السادات لن يظهر زعيم جديد بهذه العظمة ولا هذا المستوي.. فهل «أجدبت» مصر إلى هذا الحد؟!
محمود حميدة
- أيوه.. «أجدبت» و«خربت» ع الآخر!..
■ نشكو لك مما نعانيه من رداءة مأكولات وفاكهة كانتين سجن مزرعة طرة، بعد أن أشتريت الأسبوع الماضى بطيخة من هناك للأسف طلعت «قرعة»!.
أنس الفقى
- طيب كنت هات لها «باروكة»!.
■ مش عيب عليك يا أستاذ فؤاد تتريق على علشان حاعمل فيلم عن «خالد بن الوليد» وتسأل تقول يا ترى حيبقى بـ «عضمة» واللا «مشفي»؟!
محمد السبكي
- معلش القافية حكمت.. «عضم» المؤاخذة!.
■ أفكر جديا فى اعتزال مهنة الغناء والعمل كناشط سياسى فماذا أفعل؟!
عماد بعرور
- ولا حاجة قول انك ناشط سياسى تبقى ناشط على طول.. يعنى جت عليك أنت؟!
■ عزيزى الاستاذ فؤاد معوض الشهير بـ«فرفور» ياترى عارف إيه السبب فى إن الدنيا برد قوى اليومين دول؟!
أحمد عز «بتاع الحديد»
- دا بوجودك فى «المزرعة»!.
