السيسي عن مراكز البيانات: "اللي معمول فوق خيالكم.. وفي حاجات متضربش بأي نوع من القنابل"
شدد الرئيس عبد الفتاح السيسي، على أهمية الاهتمام بالتعليم التكنولوجي، مضيفا مخاطبا المواطنين، "بدخلوا أولادكن آداب وتجارة مع كامل التقدير لهذه الكليات، طب هيطلع يشتغل إيه، والابن يكون زعلان مني ومن الحكومة".
وأضاف السيسي، خلال كلمته بافتتاح مركز البيانات والحوسبة السحابية الحكومية، اليوم الأحد، "دا أنا بقولك على حاجة هتشتغلها وإنت في بيتك وتعملك 20 ألف دولار شهريا"، مؤكدا أن الدولة تولي اهتمام كبير بقطاع التعهيد في المدارس والجامعات، متابعا: "عندنا 25 مليون طالب في التعليم الأساسي مفيش حد يقول عندنا الولد الفلاني خدوه علموه الكلام ده.. عشان ننقيهم وندربهم".
وتابع، "أنتم مش شايفين إننا ظروفنا صعبة ولا ايه.. أنا بكلمكم عشان أنتم أهي وناسي ودي بلدنا كلنا، اللي معمول ده فوق خيالكم من ناحية التقدم، وبلد زي مصر متعملهوش لأنها غلبانة هتجيب منين ولكن عملناه، في حاجات معمولة تحت الأرض متضربش بأي نوع من القنابل".
